Наташа Андонова по потписот за Ал Шабаб: Ова е пресвртница во мојата кариера

Најдобрата македонска фудбалерка, Наташа Андонова доцна синоќа потпиша за Ал Шабаб и така од Шпанија се пресели во Саудиска Арабија.

Откако се официјализираше соработката, Андонова се огласи со прва изјва во која кажа:

„Навистина сум почестена и возбудена што можам да објавам дека потпишав договор со Ал Шабаб. Привилегија е да се приклучам на еден од најценетите фудбалски клубови во Саудиска Арабија. Оваа можност означува значајна пресвртница во мојата кариера и јас сум желна да придонесам за континуираниот успех на тимот.

Сакам да им се заблагодарам на сите во Ал Шабаб за нивната доверба и верување во моите способности. Посветена сум да дадам се од себе на теренот и да му помогнам на клубот да ги постигне своите цели. Со нетрпение очекувам да работам со моите нови соиграчки, да учам од стручниот штаб и да се поврзам со неверојатните навивачи. Ви благодариме за оваа прекрасна можност“, порача Наташа.