Насри со директен совет за Мбапе: Најдобро е да се биде крал…

Килијан Мбапе е во последната година од договорот со Пари Сен Жермен и дефинитивно многу ќе се зборува за него во 2024 година кога е во прашање неговата иднина.

Клубот кој долго време се обидува да дојде до неговиот потпис е Реал Мадрид, меѓутоа „светците“ успеаа да ги одбијат сите досегашни напади од шпанскиот великан, па се останува во игра, поточно е отворено иако изгледа како да се наместени коцките за преселба на напаѓачот на „Сантијаго Бернабеу“.

Оваа тема дефинитивно ќе биде жешка, а околу истата имаше што да каже Самир Насри кој се обиде да му даде еден совет на најдобриот француски фудбалер.

-Тој е од парискиот регион. Јас би останал во ПСЖ наместо да одам во Реал Мадрид за да ја освојам Лигата на шампионите. Ако Марсеј беше во сопственост на Катар кога бев во клубот, никогаш немаше да заминам. Мислам дека е подобро да се биде крал во вашето село, -порача јасно и директно Насри.