Наследникот на Тен Хаг ја заврши ужасната серија со отказ (Фото)

Раководството на Ајакс го загуби трпението по новиот лош резултат на првиот тим, кој последната победа ја оствари во месец октомври минатата 2022-ра година.

Серијата од шест реми средби и еден пораз на крајот резултираше со отказ за тренерот Алфред Шрудер, кој на клупата на „копјаниците“ пристигна како адекватна замена за Ерик Тен Хаг.

После неколку месеци, стана јасно дека тој сепак не е достоен да се носи со притисокот, па клубот со одлука која веднаш стапува на сила му го раскина договорот.

– Ајакс го раскинува договорот со Алфред Шредер. Договорот на тренерот беше со важност до 30 јуни 2024 година, но сега веднаш ќе биде раскинат. Многуте изгубени бодови и лошиот развој на тимот се главните причини за оваа одлука. Раководството на клубот веќе нема доверба во понатамошна соработка. Ќе биде прекината соработката и со помошниот тренер Матијас Калтенбах, – гласи објавата на Ајакс.

Под водство на Шредер, Ајакс последен пат победи на 23-ти октомври, а серијата од седум меча без победа е најлоша во историјата на клубот по онаа од 1974-та година.

Ajax stelt Alfred Schreuder op non-actief.

— AFC Ajax (@AFCAjax) January 26, 2023