Наполи започнал преговори со Јувентус за играч кој требаше да биде идна голема ѕвезда на „бјанконерите“

Наполи и Јувентус може да договорат трансфер на фудбалер уште во јануари, а според „Газета дело Спорт“ се работи за промена на средината на фудбалерот кој беше сметан за идна голема ѕвезда на „бјанконерите“.

Николо Фаџоли со својот потенцијал најавуваше дека ќе биде важен играч во составот на Јувентус, но по суспензијата за нелегално обложување и тренерската смена, сезонава е во втор план кај Тиаго Мота.

Италијанскиот медиум тврди дека Антонио Конте побарал од Наполи да го доведе Фаџоли на „Диего Армандо Марадона“, а Јувентус нема да прави проблем ако добие соодветна понуда.

Истата подразбира 25 милиони евра, сума која Наполи решил да ја плати и наводно веќе ги започнал преговорите со агентите на фудбалерот и испратил први сигнали до раководството на големиот ривал.

Јувентус има потреба од инвестиции во одбраната и нападот, па веројатно би ја прифатил споменатата сума за да ги реинвестира парите уште во јануарскиот преоден рок.