Наполи остана без уште еден играч во пресрет на важен период

Актуелниот италијански лидер Наполи викендов се среќава со Комо, но веќе во наредното коло ќе игра многу важен дерби дуел со Интер.

Тоа е пресметка која може да игра важна улога во трката за скудетото, а тренерот Антонио Конте нема да смета на услугите на Пасквале Мацоки.

Мацоки заработил мускулна повреда на тренинг и Наполи денеска ја потврди информацијата, не наведувајќи колку долго ќе трае неговата пауза.

Сепак, очекувањата се дека Мацоки нема да биде подготвен за дуелите со Комо и Интер, а неизвесен е Леонардо Спинацола кој исто така има проблем со повреда.