Наполи и Де Лаурентис го потврдија новиот тренер на Елмас

Елиф Елмас ќе има нов тренер кога ќе се врати во Неапол по исполнувањето на ноемвриските обврски кон националниот тим, а тоа ќе биде искусниот Валтер Мацари.

Неколку дена се шпекулираше дека најблиску до наследник на Руди Гарсија е Игор Тудор, но отпуштениот Французин ќе биде заменет со Мацари, информација која вечерва ја потврди и клубот.

Гарсија го предводеше актуелниот италијански шампион на 16 натпревари, на кој Наполи оствари 8 победи, 4 нерешени резултати и 4 порази, а му пресуди последниот пораз од Емполи.

Мацари е повратник во Наполи, бидејќи го водеше овој тим меѓу 2009 и 2013 година, а потоа работеше и во Интер, Вотфорд, Торино и Калјари.

Walter Mazzarri è il nuovo allenatore del Napoli.
⁰Bentornato Mister! pic.twitter.com/i5EXAziuVP

— Official SSC Napoli (@sscnapoli) November 14, 2023