Наполи е подготвен да го „шутне“ Гарсија, италијанска легенда може да го наследи

Наполи забележа уште еден изненадувачки резултат, пораз од Емполи од 1-0 кој може да значи и крај на епизодата на Руди Гарсија на „Диего Армандо Марадона“.

Ова е ново огромно разочарување за наполитанците, претседателот Аурелио Де Лаурентис кој воедно побарал да нема комуникација со новинарите по овој резултат. Според „Скај Спорт Италија“, Де Лаурентис и денеска се спуштил во соблекувалната на наполитанците на полувремето, но и овојпат тоа не вроди со резултат како што беше против Унион Берлин во ЛШ.

Денеска на трибините крај Аурелио беа забележани браќата Фабио и Паоло Канаваро и според италијанските медиуми токму овој првиот може да го наследи Гарсија.

Фабио и Паоло потекнуваат од Неапол, имаат играно за овој клуб и нема да биде изненадување ако заедно застанат и се обидат да го изгаснат пожарот во калчолигашот.

Се споменува и името на Игор Тудор, па останува да се види за каков потег ќе се одлучи првиот човек на актуелниот италијански првак.

Во споредба со минатата сезона, Наполи има дури 11 бода помалку во Серија А, а се мачи и во Европа.