Напаѓачот со изненадувачка одлука: Гризман нема повеќе да игра за Франција (ВИДЕО)

Ѕвездата на Атлетико Мадрид, Антоан Гризман донесе изненадувачка одлука и нема повеќе да игра за репрезентацијата на Франција.

Играчот кој беше меѓу најзаслужните за успесите и резултатите на „триколорите“ во изминатава деценија одлучи да се повлече од националниот тим и тоа по 137 натпревари и 44 постигнати гола.

-Со срце полно со спомени го затворам ова поглавје од мојот живот. Ви благодарим за оваа прекрасна авантура и се гледаме наскоро, -порача Гризман кој со емотивно видео во кое им се заблагодари на сите стави крај на репрезентативната приказна.

Антоан беше светски шампион со Франција, ја освои Лигата на нации, а беше дел и од селекции кои го загубија ЕП во 2016 и СП во 2022 година.

C’est avec le cœur plein de souvenirs que je clos ce chapitre de ma vie. Merci pour cette magnifique aventure tricolore et à bientôt. 🇫🇷 pic.twitter.com/qpw8dvdtFt

— Antoine Griezmann (@AntoGriezmann) September 30, 2024