Најпријатно изненадување: Разиграниот Детроит му одржа лекција и на шампионот (Видео)

Детроит е најпријатното изненадување во НБА лигата во последно време, бидејќи од тим кој се мачеше да биде блиску до местата кои водат во плеј-инот, сега со неверојатна серија направи да дојде до местата кои носат директно во плејофот.

Пистонси рано утрово продолжија со импресивното темпо и му одржаа лекција на актуелниот НБА шампион, па така стигнаа до осма победа во низа во највкалитетното кошаркарско натпреварување во светот.

Бостон дефинитивно беше најсериозен тест за победничката серија на Детроит, но играта која ја прикажаа домаќините во второто полувреме ќе им даде само дополнителна самодоверба во периодот кој следи.

По изрманетото прво полувреме, Пистонси целосно го разбија Бостон во третиот и четвртиот период, игра со која сосема заслужено стигнаа до победа од 117:97.

Бизли со 26 поени беше најефикасен во победничкиот тим, Кунингем постигна пет помалку, додека во редовите на Бостон се истакна Тејтум со 27 поени.

НБА резултати:

Детроит – Бостон 117:97
Индијана – Торонто 111:91
Њујорк – Филаделфија 110:105
Вашингтон – Портланд 121:129
Бруклин – Оклахома 121:129
Мајами – Атланта 131:109
Чикаго – ЛА Клиперс 117:122
Јута Џез – Сакраменто 101:118
Хјустон – Сан Антонио 118:106