Најголемото изненадување во првиот тим на Барса: Ги наполнив гаќите кога првпат го видов Флик

Марк Касадо е откровение број еден во Барселона од стартот на сезоната, бидејќи младинецот од Ла Масија доби огромна доверба од Ханси Флик и максимално го искористи фактот што Германецот не можеше да смета на клучни стартери како Де Јонг и Гави на стартот на сезоната.

Младиот играч за врска ја искористи шансата и е најпријатно изненадување во стартниот тим на Ханси Флик, статус кој успеа да го одржи и по враќањето на споменатите двајца во ротацијата на германскиот стручњак.

Говорејќи за своите први искуства со Флик за време на летните подготовки, Касадо признава дека на стартот чувствувал страв од тренерот, но брзо сфатил дека станува збор за извонреден стратег кој може да и донесе само добро на Барселона.

– Ги наполнив гаќите кога првпат го видов Флик. Имавме и тензични моменти со него како тим од стартот на сезоната, имаше моменти кога беше навистина лут на нас.

– Сепак, преовладуваат добрите ситуации кои ги имаме со новио тренер. Тој е фантастичен стручњак и извонредно се справува со соблекувалната. Имавме многу добри отколку лоши моменти и се надеваме дека така ќе остане, – вели Касадо.