Најголемата хрватска сензација во Катар: Може еден ден да завршам во Челси

Јошко Гвардиол се поврзуваше со трансфер во Челси уште во летниот преоден рок, но тогаш лондонскиот клуб не беше доволно сигурен дали талентираниот Хрват вреди толку многу како што го оценува Ред Бул Лајпциг.

Неколку месеци подоцна, Гвардиол е вистинска сезнација во тимот на Хрватска и вчера беше клучен фактот во ремито со Белгија, бидејќи со своите извонредни дефанзивни реакции спречи неколку гола во мрежата на својата селекција.

Цената на Гвардиол сигурно ќе порасне уште неколку милиони евра по крајот на мундијалот во Катар, а стоперот кој има 20 години не крие дека би било добро да заврши во клуб како Челси.

– Што се случува меѓу мене и Челси? Навистина не знам што точно да одгоорам. Знаете што се случи изминативе месеци и какви вести имаше во јавноста.

– Челси е голем клуб и можеби еден ден ќе завршам таму. Зборувам со Ковачиќ за Челси и би било навистина убаво да бидам соиграч со него и на клупски план, – изјави Гвардиол за „Атлетик“.