Најдобриот холандски судија ќе ни суди против Германија

Најдобрата македонска фудбалска репрезентација веќе во понеделник ја очекува нов предизвик во квалификациите за Светското првенство и тоа битка со првиот фаворит во нашата група селекцијата на Германија.

Средбата се игра на Националната арена „Тодор Проески“ во Скопје со почеток од 20:45 часот, а на истата правдата ќе ја дели најдобриот холандски судија Дани Макели. Тој ја доби довербата и ќе биде на центарот на дуелот во Скопје заедно со неговите помошници  Хесел Стегстра и Јан де Врис, додека четврти арбитар ќе биде Сандер ван дер Ејк.

Кога е во прашање ВАР технологијата за истата ќе биде задолжен Кевин Блом, а асистент ќе му биде Клај Руперти.

Макели ја делеше правдата на дуелот Македонија – Косово во полуфиналето на Лигата на нации и тогаш ние славевме со 2-1 за да потоа во финалето ја добиеме Грузија и обезбедиме историски пласман на ЕП кое се одржа минатово лето.