Поврзете се со нас

Шпанија

Најдобриот голгетер меѓу дефанзивците: Рамос погоди за важна победа на Севилја и прослави во стилот на Роналдо (Видео)

Објавено

на

Foto:twitter.com/SevillaFC

Серхио Рамос веќе со години наназад важи за најдобар голгетер меѓу дефанзивците, а тоа го демонстрира и во завршната фаза во својата долга кариера која реши да ја заврши во матичната Севилја.

Трофејниот стопер го постигна шестиот гол за својата Севилја во сите натпреварувања од стартот на сезоната, но вториот во Ла Лига беше навистина клучен за обезбедување победа против Реал Сосиедад.

Севилја го доби денешното дерби на „Писхуан“ со резутлат 3:2, а третиот гол беше дело токму на ветеранот кој уште еднаш умешно се снајде во противничкиот шеснаесетник.

Серхио се погрижи неговиот гол да биде уште поинтересен бидејќи реши да ја ископира прославата на Кристијано Роналдо, но во фокусот се најде и статистиката која вели дека ова беше дури 80-ти погодок за него во националните првенства.

Рамос даде 72 гола во Ла Лига како член на Реал, денешниот беше четврти за Севилја, а уште четири даде во Лига 1 како играч на ПСЖ.

Видеото од сите пет гола погледнете го ТУКА

Реклама
Реклама
Реклама

Популарни