Најдобар приказ за неговата ужасна форма: Жоао Феликс со некоректен потег ги разбесни играчите на Нотингем (Видео)

Челси продолжи по старо и одново забележа разочарувачки резултат на домашен терен, но барем не загуби на „Стемфорд Бриџ“ во дуелот со Нотингем Форест кој заврши со резултат 2:2.

Нотингем се бори за опстанок во Премиер лигата и освоениот бод ќе значи многу во ваква ситуација, а гостинските фудбалери имаа и посебна причина за славје поради однесувањето на еден домашен фудбалер.

Жоао Феликс игра во ужасна форма и во Челси откако направи трансфер од Атлетико Мадрид, но денеска направи погрешен потег бидејќи својата фрустрација ја исфрли врз противникот.

Во ситуација кога судијата се огласи за прекин на играта, Феликс намерно шутна еден играч на Нотингем кој лежеше на земјата, но притоа го удри со топката и својот соиграч Галагер.

Гостите му се пуштија на Жоао и јасно му забележаа за некоректниот потег, за кој вистинско чудо е што не доби барем жолт картон.