Најчудниот трансфер летово го направи Даглас Коста

Даглас Коста доживеа голем пад кога е во прашање неговата кариера, а доказ за тоа е необичниот трансфер кој го направи поранешниот играч на Јувентус и Баерн.

Коста до пред неколку години беше на највисоко фудбалско ниво бидејќи импресионираше со своите игри, поради што Баерн го донесе од Шахтјор за 30 милиони евра во летото 2015 година.

Две години подоцна, Бразилецот замина на позајмица во Јувентус, кој го купи за 40 милиони евра од Баерн во летото 2018 година.

Сепак, овој „триаголник“ не заврши тука, бидејќи две години подоцна се врати во Минхен на едногодишна позајмица, но беше јасно дека неговата кариера е во пад.

Игрите на Коста се влошуваа бидејќи тој повеќе се посвети на настани надвор од теренот и ноќниот живот, поради што Јувентус реши да се ослободи од него.

Коста прво беше испратен на позајмица во Гремио, а потоа и во Лос Анџелес Галакси. И тaму не се задржа долго, а американскиот тим ја прекина соработката со него пред една година.

После тоа, овој 33-годишен фудбалер реши повторно да се врати во Бразил, каде потпиша за Флуминенсе, но во овој клуб остана само половина година.

Се очекуваше дека Коста ќе остане во Бразил, но тој направи трансфер кој навистина не се очекуваше Тој по трет пат го напушти Бразил и овојпат ги изненади сите со тоа што се одлучи да ја продолжи кариерата во Австралија каде потпиша за фК Сиднеј.