Најавите се остварија: Играч на Реал пристигна на потпис во Комо (Видео)

Сеск Фабрегас брзо се соочи со реалноста и му стана јасно дека итно му се потребни нови засилувањ, откако неговиот Комо беше целосно немоќен и надигран од Јувентус во првото коло во Серија А.

Главна цел на овој клуб оваа сезона ќе биде опстанок во елитата, па иако Сеск Фабрегас се погрижи да донесе неколку искусни имиња како Реина, Варан и Алберто Морено, планот е тимот да се засили што е можно повеќе до крајот на летниот преоден рок.

Според најавите, оваа вечер во Комо пристигна талентираниот Нико Паз од Реал Мадрид, кој оваа вечер најверојатно ќе ги мине медицинските прегледи, а веќе утре ќе стави потпис на договор со клубот.

Младиот шпански фудбалер забележа деби за првиот тим на Реал Мадрид и клубот не се откажува целосно од него, бидејќи „кралевите“ во иднина ќе можат да го вратат за одредна сума на пари, или пак да заработат 50 процени од следната продажба на 19-годишниот фудбалер.

Како што беше пренесено, Паз нема да биде единственото големо засилување од Шпанија, бидејќи во најскоро време на презентација во Комо се очекува и слободниот агент Серхи Роберто.

⚪️🔵 Nuovo acquisto per il @Como_1907 dal @realmadrid. Nico #Paz è arrivato in Italia.

🎥 @ivanfcardia pic.twitter.com/bVM64mocvN

— TUTTOmercatoWEB (@TuttoMercatoWeb) August 22, 2024