Поврзете се со нас

Шпанија

Најава за огромни промени на „Месталја“: Малезиски принц ќе ја спасува Валенсија!

Објавено

на

blank

Валенсија е шпански фудбалски великан кој минува низ многу тешки моменти оваа сезона, истите предизвикани од страшната криза која ја предизвика коронавирусот, поради која клубот беше приморан да ги продаде сите најголеми ѕвезди изминатиот летен преоден рок.

Иако газда на клубот е сингапурскиот магнат Питер Лим, огромните загуби и лошата политика направија работата на Валенсија да се коси со фер плеј правилата на УЕФА, па откако тимот беше значително ослабен пред неколку месеци, „лилјаците“ сега се наоѓаат во ситуација да се борат за опстанок во елитата.

Оваа агонија секако ги разочара фановите кои веќе немаат никаква верба во сингапурскиот милијардер, кој сега и официјално се обидува да пронајде начин да го намали товарот, откако принцот од Џохор (јужна Малезија) навести дека ќе биде дел од Валенсија започнувајќи од месец јуни. Членот на кралското семејство од Џохор ги искористи социјалните мрежи и сподели документи за тоа колку вреди Валенсија во овој момент (408 милиони евра), но испрати и директна порака дека ќе работи за „лилјаците“ во блиска иднина.

Засега, останува непознато дали тој ќе биде нов газда и ќе го купи клубот од Лим, или ќе биде еден од поголеми акционери во друштво на досегашниот газда кој инаку е негов добар пријател.

– Јас не сум бизнисмен, јас сум принц, парите не ме мотивираат. Ме мотивира славата и правењето историја. Не е тајна дека јас го сакам фудбалот, голем фан сум на оваа игра и не сум нов во фудбалот. Формирав клуб во Џохор и станавме шампиони. Освоивме 16 титули во 8 години. Сакам да ја зголемам својата фудбалска империја и сакам нови предизвици. Јас не сум некој кој ќе го менува грбот на клубот или традицијата. Јас сум од кралско семејство и не сакам бизниси.

– На Валенсија и се потребни луѓе кои разбираат фудбал, луѓе со голема глад и кои имаа страст. Како прво, во Валенсија се потребни фудбалски луѓе, – порачува принцот Тунку Исмаил.

Реклама
Реклама
Реклама

Популарни