Поврзете се со нас

Свет

Најава за многу картони: Фудбалерите нема да смеат да им се доближуваат на судиите

Објавено

на

Фудбалерите мора да го прифатат ризикот при евентуалното продолжување на сезоните за време на пандемијата на коронавирусот, но истовремено мора и да ги почитуваат протоколите за однесување на теренот.

Покрај тоа што не смеат да се поздравуваат со противниците и да ги прославуваат погодоците како досега со соиграчите, фудбалерите ќе мора да внимаваат и на однесувањето со судиите.

Ако и досега нивните пожестоки приговори беа казнувани со жолт картон, отсега судиите ќе имаат право да покажат картон ако играчите им се доближат поблиску од два метра.

Ова е правилото кое го најави одговорниот за италијанските судии, Никола Рицоли, мерка која Италијанците сакаат да ја вклучат во протоколот, а веројатно ќе биде преземена и во Шпанија и Англија.

Рицоли вели дека и самите судии стравуваат за своето здравје и се во ризична позиција, па затоа поблизок контакт ќе биде „наградуван“ со жолт картон. Право на комуникација, како што и во моментов е пропишано, ќе има само капитенот, но и тој треба да одржува дистанца од два метра во однос на судијата.

Јасно е дека на судиите ќе им биде тешко да го регулираат ова прашање, но барем ќе имаат дозвола да казнуваат кога ќе сметаат дека фудбалерите се однесуваат некоректно.

Реклама
Реклама
Реклама

Популарни