Најава за голем трансфер: Роналдо сака да се врати во Јунајтед!

Најголемата португалска фудбалска ѕвезда, Кристијано Роналдо сака да си замине од Јувентус и да се врати во Манчестер Јунајтед.

Оваа информација во јавноста ја трасираше реномираниот италијански медиум „Газета Дело Спорт“ кој тврди дека напаѓачот има желба да направи „кам-бек“ на „Олд Трафорд“ и притоа е подготвен да се откаже од дел од високите примања за да се реализира овој трансфер.

Наводно Роналдо е незадоволен во Торино, тим кој има и финансиски проблеми што беше и главна причина за нивната вкученост во проектот Суперлига кој брзо се распадна по бурните реакции на јавноста и навивачите.

Кристијано е спремен да заборави на годишната плата од 31 милион евра која ја зема во Јувентус и да дојде во Манчестер каде не би имал помала заработка од 20 милиони евра.

На Јувентус му се потребни најмалку 29 милиони евра од продажбата на ѕвездата, но би прифатил и размената во која би бил вклучен Пол Погба со тоа што прашање е колку премиерлигашот би бил заинтересиран за таква зделка.

Да потсетиме, Португалецот се вивна на големата сцена како член на „црвените ѓаволи“ во периодот од  2003 до 2009 година.