Најатрактивниот потег во оваа сезона: Талентираниот Едвардс го прегази Ватанабе со монструозно забивање (ВИДЕО)

Атракциите во НБА лигата се загарантирани на секој натпревар, но дефинитивно има моменти, ситуации кои се издвојуваат и заслужено се наоѓаат во центарот на вниманието.

Токму таква имавме на пресметката меѓу Минесота Тимбервулвс и Торонто Репторс, дуел на кој резултатот падна во втор план, а причината за тоа е овогодинешниот прв пик на драфтот Ентони Едвардс.

Едвардс немаше своја вечер и даде само 7 поени, ама затоа можеби го изведе потегот на оваа сезона. Имено при крајот на третата четвртина тој тргна да ја заврши акцијата, план кој и тоа како беше успешен. Ентони имаше супер лет и при истиот го прегази Јута Ватанабе за монстрозно забивање и тоа под прекршок.

Оваа мајсторија на младата ѕвезда на Минестоа се најде и на првото место на Топ 10 прегледот на денот.