Наинголан: Ме уапсија како да сум Пабло Ескобар

Раџа Наинголан беше уапсен од белгиската полиција поради можна инволвираност во шверц на кокаин, но откако играчот за врска ги минал сите процедури и почетни испрашувања, веќе неколку дена нормално си ги извршува своите фудбалски обврски.

„Нинџата“ Раџа настапува за второлигашот Локерен Темсе и вели дека потворно размислува само на фудбалот, откако минал низ навистина непријатни моменти на крајот на месец јануари.

Поранешната ѕвезда на Рома беше лишена од слобода на 24 часа поради активна истрага за шверц на кокаин од Јужна Америка во Европа, но засега властите немаат ниту еден директен доказ против фудбалерот кој е пуштен да си ги извршува своите секојдневни активности.

– Не ми беа поставени никакви директни прашања за дрогата, едноставно поставуваа прашања за друга личност врз која има опширна истрага. Да бидам искрен, воопшто не ми беше пријатно во притвор и тоа е искуство кое не би сакал повторно да го доживеам.

– Ме претставија како дилер на дрога, ме уапсија како најголем криминалец, а 24 часа подоцна тренирав со својот тим. Се однесуваа со мене како да сум Пабло Ескобар, иако јас немам никаква врска со случајот за кој ме испрашуваа. Станува збор за случај во кој е вклучен мој пријател, – открива Наинголан.