Награда за одличните резултати: Лацио спрема нов договор за Инѕаги

Италијанскиот прволигаш Лацио сака да го продолжи договорот со тренерот Симоне Инѕаги.

Поранешниот италијански репрезентативец одлично си ја врши својата работа во таборот на лацијалите во кои е од 2016 година и досега на клубот му донесе три трофеи, еден Куп и два трофеи во Супер Купот на Италија.

Оваа година пак Лацио е кандидат и за титулата во Серија А, па претседателот Лотито сака да го врзе стратегот од Пијаченца со нов договор кој ќе биде со важност до 2023 година.

Симоне ќе добие покачување на платата, ќе зема 2,5 милиони евра по сезона, а ако го освои калчото сумата ќе скокне на 3 милиони евра.