Награда за одличните изданија: Кварацхелија ќе потпише нов договор со Наполи

Наполи игра одлично во Серија А и Лигата на шампионите во актуелнава кампања, а меѓу оние кои најмногу се истакнуваат е Квича Кварацхелија.

Грузиецот во својата прва сезона во Неаполи „експлодираше“ и во досегашниот дел од сезонава даде 14 гола и запиша 16 асистенции во овие две натпреварувања со што го натера калчолигашот да му понуди нов договор, договор кој решил да го прифати.

Медиумите информираат дека тој кажал „ДА“ за понудата од околу 4 милиони евра по сезона (со бонуси), односно е врзан со наполитанците до јуни 2028 година. Во договорот нема откупна клаузула што секако е одлична вест за Наполи кој сигурно ќе сака дебело да ги наплати услугите на грузискиот репрезентативец.