Награда за добрите партии: Димитриевски потпиша нов договор со Аликанте

Македонскиот ракометен интернационалец, Дарко Димитриевски доби награда за одличните изданија за Аликанте, тим за кој блеска во Шпанија.

Искусниот велешанец доби нов долгорочен договор според кој треба да остане во сегашната средина дури до 2028 година што е јасен сигнал дека Аликанте во него гледа лидер, столб на проектот.

-Многу сум среќен што сум дел од овој убав проект што расте секој ден. Тоа што можам да го продолжам договорот за уште три години ми дава мир на мене и на моето семејство и покажува дека клубот мисли на мене. Добро ги правиме работите и среќен сум што заедно продолжуваме, -порача Димитриевски.

Дарко со 63 гола е трета стрелец во втората шпанска лига за клубот кој има јасна амбиција да дојде до најсилната ракометна конкуренција во државата.