Надежите го решија Гибралтар за трета радост во квалификациите за ЕП (ВИДЕО)

Македонската фудбалска репрезентација до 21 година ја забележа третата победа во квалификациите за Европското првенство кое е на програмата во 2025 година.

Нашиот национален состав славеше на гостувањето кај аутсајдерот Гибралтар со 2-0 со погодоци постигнати во првото полувреме. Головите ги постигнавме во периодот од 24 до 42 минута и тоа преку играчите на Шкендија, Крстевски и Адеми.

Ване го отвори резултатот за да потоа Фитон го зголеми водството кое без проблеми го сочувавме до самиот крај.

Ова за Македонија е втор триумф над Гибралтар во овој циклус во кој на гостински терен славевме и против Шведска.

Квалификациите ќе ги завршиме наредниот месец кога прво на 11 ќе ја дочекаме Грузија, а потоа на 15 октомври патуваме во Грузија.