Надал во три сета до пласман во третото коло на Аустралијан Опен

Рафаел Надал рутински обезбеди место во третото коло на Аустралијан Опен, победувајќи го Јаник Ханфман со 3:0 во сетови.

Шпанецот немал тешка работа против квалификантот од Германија, добивајќи ги сетовите со 6:2, 6:3 и 6:4, со што останува активен во обидот да стигне до рекордна 21 грен-слем титула.

Фаворитот стигнал до 16 брејк топки од кои искористил 4, а имал и 30 винери на мечот со Ханфман.

Надал е единствениот поранешен освојувач на турнирот во Мелбурн во конкуренција за трофејот, а во наредната рунда ќе се сретне со подобриот од мечот меѓу Хачанов и Бонци.

Пласман во следната рунда веќе остварија и Беретини, Кецмановиќ, Карењо Буста, Алкарас и Шаповалов кој мораше да игра пет сета против Кореецот Квон.