Надал се огласи и испрати порака по најавите дека ќе игра на Аустралијан Опен

Шпанската тениска легенда, Рафаел Надал веќе доста време е отсутен од терените, главните активности во белиот спорт, а причината за тоа е повредата која се уште ја нема надминато.

Тој не е активен уште од турнирот во Мелбурн, па иако првичните најави беа дека може да се врати во текот на сезоната стана јасно дека тоа нема да се случи.

Од Австралија стигнаа вести дека Надал ќе се врати во 2024 година, поточно директорот Крег Тили посочи дека Шпанецот им потврдил дека ќе се врати и ќе игра на овој настан.

Надал го потврдил враќањето на големата сцена

Овие вести го натераа самиот Рафа да се огласи и тоа преку социјалните мрежи каде посочи како стојат работите.

-Благодарен сум за поддршката од Аустралијан Опен. Вежбам секој ден и работам напорно за да се вратам што побрзо, -напиша Надал.

I appreciate the vote of confidence from the Australian Open… I am practising every day and working hard to come back asap 💪🏻😉

— Rafa Nadal (@RafaelNadal) October 11, 2023