Надал останува активен: Не сум фатил рекет откако се пензионирав, но се вратив на старата љубов

РАфаел Надал денеска доби посебна чест и признание од Олимпискиот комитет во Шпанија за се она што го направи во својата богата играчка кариера, а тоа беше добра шанса за новинарите да оставарат нова средба со најголемиот шампион во историјата на оваа земја.

„Кралот на земјата“ се повлече на Дејвис Купот кој се одигра на крајот на минатата година и потенцира дека цели три месеци останува дистанциран од тенисот, барем од секојдневните активности кои ги имаше како професионален тенисер, но и како сопственик на познатата Академија.

Во обраќањето пред новинарите, Надал откри дека ниту еднаш не фатил рекет откако се повлекол, но затоа се врати на својата стара љубов, односно на играњето фудбал.

– Воопшто не ми е досадно во оваа прва фаза од животот без тенис. Секогаш правам нешто, многу е важно да си зацртате цели и во секојдневниот живот. Не сакам да се разбудам и да се фрлам на троседот.

– Се наоѓам во фаза во која организирам нова етапа од животот, но тоа не значи дека не сум активен. Престанав да играм пред три месеци и полека се адаптирам на новата реалност. Се вратив на старата љубов, почнав да играм фудбал после цели 15 години и можам да ви кажам дека навистина се губи чувството. Не знаете колку сум станал лош…….. Од друга страна, немам фатено рекет во своите раце откако се повлеков, ќе треба да пројде одредено време. Само прашање на време е кога повторно ќе фатам рекет во рака, но во овој момент ми треба малку дистанца од се она што го доживеав, – откри Надал.