Надал ја соопшти одлуката за настапот на „Ју-Ес Опен“ (ФОТО)

Поранешниот светки рекет број еден, Рафаел Надал донесе одлука околу тоа дали ќе настапи на последниот календарски грен слен за оваа 2024 година „Ју-Ес Опен“.

Надал по учеството на ОИ во Париз најави дека набрзо ќе даде одговор на оваа тема, па така вечерва на социјалните мрежи соопшти дека нема да биде дел од турнирот на кој има триумфирано четири пати во кариерата.

-Здраво на сите, пишувам денеска за да ви кажам дека решив да не се натпреварувам на овогодинешниот Ју-Ес Опен, место каде што имам прекрасни спомени. Ќе ги пропуштам тие електрични и специјални ноќни сесии во Њујорк на Еш, но мислам дека не би можел да дадам 100 проценти овој пат.

-Особено благодарам до сите мои фанови од САД, ќе ми недостигате сите и ќе се видиме друг пат. Среќно на сите за секогаш неверојатниот Ју-ЕС Опен, -напиша Рафа кој воедно откри дека следниот настан на кој ќе биде активен ќе биде Лејвер Купот во Берлин кој е на програмата на крајот на месец септември.

Hi all, writing today to let you guys know that I have decided not to compete at this year’s US Open a place where I have amazing memories.
I will miss those electric and special night sessions in NYC at Ashe, but I don’t think I would be able to give my 100% this time.
Thanks… pic.twitter.com/FluGRWUzIp

— Rafa Nadal (@RafaelNadal) August 7, 2024