Надал: Имав повеќе соочувања со Ѓоковиќ, но Федерер…

Рафаел Надал заедно со Рожер Федерер и Новак Ѓоковиќ со години ја сочинуваа големата тројка која официјално се растури во месец септември кога Швајцарецот официјално стави крај на кариерата, замина во играчка пензија.

Шпанецот има водено многу битки со двајцата, но за него нема дилеми кој е негов поголем ривал.

-Има многу заеднички искуства, важни моменти. Луѓето имаат чувства и разбираат дека ова е спорт. Кога имаш ривал како Федерер, во текот на целата кариера… Кога почнував Рожер веќе беше таму. Вистина е дека играв повеќе со Новак отколку со Рожер, но се започна со Федерер.

-Поради нашите спротивставени стилови и карактери, поради нашиот афинитет, сепак споделувавме многу. Сите тие моменти, чувствата што ги имате пред финале на Грен слем, важен турнир, сето тоа беше во воздух пред тие натпревари. Беше поинаку од другите натпревари, -рече Надал кој говореше за емоциите кога Федерер се повлече на Лејвер Купот.

-Знаеш дека тоа повеќе нема да се случи и дел од мојот живот замина со него. Тоа беше емотивно збогување со некој кој беше толку важен за нашиот спорт, -порача Шпанецот.