Надал го потврдил враќањето на големата сцена

Рафаел Надал долго време нема одиграно меч на АТП турнејата, а во моментов се наоѓа на 240. место на сингл ранкингот.

Но, на сите им е јасно дека ако е подготвен, Шпанецот повторно може да биде кандидат за освојување на грен-слем титули, а очигледно Надал планира да се врати на големата сцена на почетокот на следната година.

Директорот на Аустралијан Опен, Крег Тили, им потврдил на медиумите дека Шпанецот му потврдил дека планира да игра на грен-слем турнирот во Мелбурн.

– Можеме ексклузивно да објавиме дека Надал ќе се врати.

– Тој не играше речиси цела година, но последните денови разговаравме неколку пати и тој потврди дека ќе настапува во Мелбурн. Тоа е одлична вест за сите, – изјавил Тили.

Освојувачот на 22 грен-слем титули се повреди токму на Аустралијан Опен во јануари, а во јуни беше опериран, за во тој период да остане целосно без настапи на турнирите. Надал веќе најави дека планира да ја заврши кариерата на крајот на 2024 година.