Надал: Ѓоковиќ ќе мора да се вакцинира ако сака…

Најквалитетниот шпански тенисер, Рафаел Надал го искоментира ставот на Новак Ѓоковиќ за потенцијалната вакцина против коронавирусот.

Српскиот ас неодамна порача дека не е сигурен дали ќе се вакцинира, поточно сака да има избор дали тоа ќе го направи со што секако крена прашина како во српската така и во пошироката светска, но и тениска јавност.

-Не знам, јас сум никој. Никој не може да бара ништо од никого, секој има право да го направи она што го сака, но ако некој е дел од натпреваруавњето – тогаш можеби ќе треба да ги почитуваат правилата. Ова значи дека ако е потребна вакцинација за да се заштитат сите, Ѓоковиќ ќе треба да се вакцинира доколку сака да продолжи да игра тенис на врвно ниво, исто како и јас. 

 – Ако АТП или ИТФ нè принудат да се вакцинираме за да продолжиме да играме тенис, тогаш ќе треба да го сториме. Тоа ќе биде како што имаме рестрикции во земањето на лекови за да не дојде до допинг. Тоа е само пратење на правилата, -истакна Надал.