Националниот тим повторно ќе игра во домот на Јунајтед: Македонија ќе се соочи со Англија на „Олд Трафорд“ (ФОТО)

Селекцијата на Англија како што е познато е еден од ривалите на Македонија во квалификациите за Европското првенство во 2024 година, па „гордиот албион“ веќе го одреди местото каде што ќе ги дочека избраниците на Благоја Милевски.

Имено Англичаните одлучија да направат промена само за нашата репрезентација која во јуни 2023 година ќе ја пречекаат во домот на премиерлигашот Манчестер Јунајтед-тоа е „Олд Трафорд“. Тоа ќе биде единствениот меч кој поранешниот светски шампион ќе го одигра надвор од Лондон кога се во прашање домашните мечеви, односно со Украина, Италија и Малта ќе се соочи на „Вембли“.

Ние имаме добри спомени од „Олд Трафорд“ затоа што тука одигравме 0-0 со Англија во 2006 година. Претходно пак во 2002 година ремизиравме 2-2 на „Сент Мерис“ во Саутемптон.

A visit to Old Trafford in June and a 150th Anniversary Heritage Match with Scotland in September 🗓

A number of updates have been made to our #ThreeLions‘ 2023 schedule: https://t.co/qXf0CbkL4l pic.twitter.com/v1e3NOUmIX

— England (@England) November 2, 2022