Начо: Му честитав на Родри за „Златната топка“, но…

Поранешниот играч на Реал Мадрид, Начо Фернандес го искажа својот став за доделената „Златна топка“ за оваа година која заврши во рацете на неговиот сонародник Родри.

Членот на Манчестер Сити го доби најпрестижното индивидуално признание во светот на фудбалот пред Винисиус Жуниор од Реал Мадрид или поточно освои 41 глас повеќе од Бразилецот.

Иако помина некое време од церемонијата во Париз, оваа тема и понатаму е актуелна, па на ова прашање својот став го даде и Начо кој смета дека е напрпавена грешка и дека напаѓачот требал да ја добие наградата.

-Без сомнежи. Ќе му ја дадев Златната топка на Винисиус Жуниор. Го почитувам Родри, испратив порака да му честитам бидејќи сум многу среќен поради него. Но, исто така Карвахал, Белингем… Но, за мене Вини е најдобар во светот, -порача дефанзибецот кој сега игра во Саудиска Арабиија.