Начевски „ослободен“ од должностите во ЕХФ поради наводно учество во местење натпревари!

Европската ракометна федерација (ЕХФ) денеска ја информираше јавноста дека Драган Начевски привремено е ослободен од ослободен од обврските од Натпреварувачката комисија поради наводно учество во местење натпревари.

Одлуката е донесена на состанокот на Извршниот комитет на ЕХФ, а истата доаѓа по информациите („доказите“) кои до нив биле доставени од данскиот медиум ТВ2 на 23 мај.

Во тие информации, Македонецот во 2020 година имал состанок со наводен бизнисмен на кој се разговарало за влез на кинески тим во СЕХА-лигата. На состанокот се зборувало и за местење натпревари, состанок на кој Начевски повеќепати одбил да да учествува во такви нелегални активности, ама не се дистанцирал доволно од темата и затоа испраќал погрешни сигнали со оглед на неговата функција.

Според ЕХФ кој го потенцира ТВ2 како извор, поранешен судија преку друго (второ) лице добил барање од Начевски да учествува во местење на натпревар.

Сите овие наводи Драган ги отфрла, но ЕХФ сега се реши да реагира или поточно истрагата е во насока на заштита на фер-плеј политиката во спортот.

Суспензијата на Начевски воедно ќе значи и истрага од австриските власти и самостојниот правен систем на ЕХФ кој треба да ја донесе конечна.

И на почетокот од данската ТВ2 имаше вакви обвинувања и тоа за нашите арбитри Ѓорѓи Начевски и Славе Николов.

Начевски и Николов осомничени за местење на натпревари