Начевски и Николов ќе судат на ракометното СП во 2025 година

Најдобрите македонски ракометни судии, Ѓорѓи Начевски и Славе Николов се избрани во групата судиски тандеми кои ќе ја делат правдата на Светското првенство на почетокот на 2025 година.

ИХФ денеска ги објави судиите кои ќе бидат дел од мундијалот, а планирани се 24 двојки од повеќе континенти и уште 4 резервни судиски тандеми.

За Начевски и Николов ова значи продолжување на трендот да бидат дел од најзначајните ракометни настани, а со својот докажан квалитет сигурно ќе добијат и одговорни задачи за време на мундијалот.

СП ќе се одржи меѓу 14 јануари и 2 февруари, во Хрватска, Данска и Норвешка.

Ова воедно е прв ракометен мундијал кој ќе се одржува во три земји, а ќе се одиграат вкупно 112 натпревари.