Лига на шампиони
Нацева: Бевме избрани да го оствариме големиот успех со Кометал ЃП
Пред точно 15 години македонскиот ракомет го постигна најголемиот успех на европската клупска сцена, а ракометарките на Кометал Ѓорче Петров ја израдуваа нацијата со освојувањето на европската титула и тоа по подобриот скор во финалниот двомеч со унгарски Ференцварош.
Вечерва во Скопје дел од ракометарките, стручниот штаб и претставници на тогашното раководство имаа средба за одбележување на јубилејот, на која се потсетија на големиот подвиг направен во 2002 година. Една од македонските ракометарки кои беа важен дел од тој тим беше Гордана Нацева, која го потенцираше значењето на тој успех на Кометал.
– Тоа беа величествени моменти, благодарна сум што бев дел од оваа приказна, од оваа историја на македонскиот ракомет и спорт. Од оваа временска дистанца можам да кажам дека сме биле одбрани, и како луѓе и како спортисти и сопственикот на клубот, значи бевме одбрани да го направиме ова. Бидејќи сега сум вклучена со друг ангажман во овој спорт, сега гледам колку било тешко да се направи вакво нешто, – изјави Нацева.
Дали се ќе биде исто ако и Вардар стигне до истиот успех?
– Успехот ќе биде ист, но нема да биде исто тоа што според новиот систем на натпреварување тој успех ќе го славиме во Будимпешта, па до пристигнувањето во Скопје ќе мине најмалку еден ден. Она што нам ни се случи беше нешто што може да се посака, борба за титула на домашен терен со два гола негатива од гостувањето на првата средба. Потоа веднаш го продолживме славјето на Плоштад, во таква ситуација споделувањето на енергијата со публиката е свежа и тоа е уникатно чувство. Не ми се верува дека минаа 15 години, се надевам нема да чекаме уште долго да се повтори успехот, а бевме блиску пред неколку недели, – потенцираше некогашниот голман на шампионската генерација на Кометал Ѓорче Петров.
-
Македонијапред 15 часа
Давидовски на Валелунга ја започнува седмата сезона во ТЦР Европа
-
Лига на шампионипред 20 часа
Касемиро призна дека страдал гледајќи го четвртфиналето на „Итихад“: Реал има среќна ѕвезда!
-
Англијапред 20 часа
Фабрегас воодушевен од еден играч на Јунајтед: Треба да се гради тим околу него
-
Англијапред 18 часа
Швајнштајгер со совет за Рашфорд: Би сакал да го видам во друг тим
-
Германијапред 7 часа
Муслиу со гол со глава ја завери победата на Падерборн (ВИДЕО)
-
Балканпред 21 час
Крстовски со атрактивен волеј погодок донесе победа за Домжале (ВИДЕО)
-
Италијапред 19 часа
Пиоли џентлменски по елиминацијата на Милан: Подобриот тим е во полуфиналето
-
Англијапред 19 часа
Мартинез по контроверзната ноќ во Лил: Не ги разбирам овие правила