На Јувентус не му оди без Роналдо: Аталанта ги среди „бјанконерите“ и ги мина на прволигашката табела (ВИДЕО)

Фудбалерите на Аталанта славеа над Јувентус со 1-0 во дерби средбата во попладневниот термин во Серија А.

Клубот од Бергамо успеа да ја добие битката на двете екипи кои се борат за Топ 4 пласман, односно место во Лигата на шампионите во наредната сезона. Клучниот момент се случи во 87 минута кога резервистот Малиновски ја смести топката во мрежата на „бјанконерите“.

Ова за Аталанта е прва победа против Јувентус во шампионатот по 2001 година, односно по 33 натпревари. Со истата дојде до 64 бода и со тоа ги мина избраниците на Пирло на прволигашката табела (62).

Да посетиме клубот од Торино не можеше да смета на услугите на својот најдобар играч Кристијано Роналдо кој е повреден, а кога тој е отсутен секогаш има проблеми и најдобар доказ за тоа се само двете победи во седумте мечеви во актуелнава сезона.

FT: Atalanta 1-0 Juventus

What a famous result. Atalanta beat Juventus for the first time in 33 Serie A matches. A first win since 2001. pic.twitter.com/ogFopGLmXg

— Adriano Del Monte (@adriandelmonte) April 18, 2021

На останатите битки во овој термин, Лацио во еден супер ефикасен, возбудлив меч беше подобар од Беневенто со 5-3, додека Болоња на Синиша Мијаловиќ беше подобра од Специја (4-1).