МЗТ уште еднаш го совлада црногорски Теодо

Кошаркарите на МЗТ Скопје ја забележаа втората победа во групата А во АБА2 лигата, втора победа остварена над Теодо овојпат во Тиват со резултат 70:65.

Уште пред да почне натпреварот беше јасно дека „металците“ немаат шанси за пласман во наредната фаза по триумфот на Цедевита над Домжале, но и покрај тоа македонскиот првак одигра мотивирано и имаше страшна прва четвртина која ја реализираше со 30:7.

Меѓутоа потоа следуваше пад, противникот ги реши наредните два периоди со 28:15 и 11:8, па „штрковите“ во завршните десет минути влегоа со предност од само седум поени. Беше возбудливо, борбено, ама сепак последниот збор го имаа избрнаиците на Атанасов за кои ова беше седми бод во групата.

Баковиќ и Слај со по 14 поени беше најефикасни кај МЗТ. Во последната рунда нашиот претставник е домаќин на Цедевита.