МЗТ Скопје ја загуби битката со клубовите, УО ќе го има последниот збор

Како што вчера најави македонската кошаркарска федерација денеска преку конференциска врска одржа состанок со прволигашите при што беше извршено гласање во однос на двата предлоги која куќата на кошарката ги даде за заокружување на сезоната 2019/2020.

Имено тимовите има можност да се произнесат за двата предлози, првиот МЗТ Скопје да се прогласи за шампион и да испаднат двата последни клубови на табелата и вториот да нема првак за оваа кампања и да нема испаѓање од Прва лига-мажи.

Повеќе гласови доби вториот предлог за кој гласаа Работнички, Гостивар, Вардар и Куманово, додека пак првиот доби три гласови од страна на МЗТ Скопје, МЗТ Скопје Уни-Банка-Скопје и ФМП Академија.

Три клубови пак беа воздржани (Еуро Никел, Кожув и Пелистер) по предлогот од страна на федерацијата.

Ова значи дека МЗТ нема на „зелена маса“ да ја добие титулата со тоа што ова треба да биде потврдено од членовите на Управниот Одбор на КФМ.