МЗТ се раздели со Хрватот чиј договор го продолжи пред само неколку месеци (Фото)

МЗТ Скопје не игра на посакувано ниво во првиот дел од сезоната и доказ за тоа се и неколкуте лоши резултати во домашното првенство, што од една страна го тераат македонскиот шампион да размислува за промена на играчкиот ростер во текот на оваа зима.

Клубот од Аеродром вечерва објави дека спогодбено се разделил со еден кошаркар кој изминатово лето го продолжи договорот, а тоа е хрватскиот интернационалец, Марко Баковиќ.

Оваа вест од таборот на МЗТ доаѓа малку неочекувано со оглед на тоа што управата му укажа доверба, но се чини дека Хрватот е прва жртва и најава дека многу работи можат да се променат за вториот дел од сезоната.

Баковиќ сезонава имаше скромни бројки во македонското првенство и имаше просек од 6,2 поени и 5,3 скока по натпревар, а бројките му еба малку подобри во АБА2 лигата.

Хрватот дојде во редовите на македонскиот првак во 2023-та година, а претходно настапуваше за Форца Леида и Цибона.