МЗТ повторно го надигра Пелистер и е на чекор до нова титула

Кошаркарите на МЗТ Скопје издвојуваа уште една победа над Пелистер во борбата за пехарот во нашиот шампионат.

„Штрковите“ не беа убедливи како на првата средба (84-64), но и триумфот од 75-67 беше доволен да поведат со 2-0 во оваа финална серија. Домашниот тим беше сигурен во првото полувреме (44-35), предноста продолжи да ја зголемува и по паузата и во последните десет минути влезе со двоцифрена позитива (62-50).

Битолчани се обидоа да се заканат во завршниот период, ама немаа сила за нешто повеќе и сега ќе мораат на домашен терен да покажат многу повеќе ако сакаат да останат живи во оваа трка за пехарот.

Стојановски со 23 поени беше прв стрелец, Абу даде 15, а Кефи 12 кошеви. Кај поразените Маслинко беше автор на дабл-дабл од 16 поени и 10 скокови.