МЗТ немоќен на гостувањето кај Борац

Кошаркарите на МЗТ Скопје не успеаја да стигнат до посакуваната победа против Борац и си ги намалија шансите за опстанок во првата АБА лига.

Македонскиот шампион загуби на гостувањето во Чачак со 105:84, а разочарувачки за фановите е фактот што „аеродромци“ имаа голема негатива уште по првите дваесет минути.

Борац не дозволи противникот да се приближи во продолжение, обезбедувајќи си важен триумф во финишот на сезоната.

Хејл со 22 и Радоњиќ со 19 поени беа најефикасни во победничката екипа, додека кај МЗТ, Кук реализирал 20, а Миќовиќ 18 поени.

МЗТ останува на дното на АБА табелата со само четири победи и опстанокот сега останува само теорија за македонскиот претставник.