МЗТ без проблеми го освои Кавадарци

Кошаркарите на МЗТ Скопје остварија сигурен триумф над Еуро Никел (81-61) во завршната средба од 19. коло во Супер лигата.

„Металците“ имаа доста проблеми во АБА лигата, но во домашниот шампионат рутински ги решаваат ривалите, па така беше и вечерва во Кавадарци каде беше остварена 17 победа.

Фаворитот водеше со 40-30 по 20 минути игра за да во третиот период го зададе завршниот удар (25-12), односно направи последната четвртина да биде чиста формалност. Кефи со 15 поени беше прв стрелец, двоцифрен учинок со по 10 кошеви имаа Крстевски, Вер и Робев.

Најсветла точка кај поразените беше Планиниќ со дабл-дабл од 20 поени 12 скока.