Муту: Да не беше дрогата, можев да стигнам и до „Златна топка“

Адријан Муту беше еден од најголемите романски фудбалски таленти последните децении, но неговото однесување надвор од теренот не му дозволи да го искористи потенцијалот кој го поседуваше.

Муту си обезбеди трансфер во елитниот тим на Челси, со кој можеше да очекува и многу трофеи, но преселбата во Лондон му донела и интензивно дружење со кокаинот, кој на крајот му ја уништи и кариерата.

– Користењето кокаин во периодот кога дојдов во Челси беше најлошата работа која можев да ја направам во тие моменти.

– Бев сам во Англија што ме правеше тажен и депресивен, но тоа не е оправдување за моите постапки.

– Челси очекувано не толерираше таква работа, а јас платив скапо за бурниот период во мојот живот. Бев многу млад, но верувам дека бев меѓу најдобрите фудбалери во светот и можев лесно да стигнам до „Златната топка“ ако лошите одлуки не ме пренасочија на погрешен пат, – изјавил Муту.

Романецот влезе во конфликт и со тогаш новиот менаџер Жозе Мурињо, а подоцна имаше позитивен допинг тест и доби казна и отказ од Челси.