Мусиала влезе во игра и со два гола ги реши проблемите на Баерн, победа забележа и Леверкузен

Џамал Мусиала доби поштеда од Венсан Компани за натпреварот против Хајденхајм и почна на клупата за резерви, но кога стана јасно дека Баерн Минхен почнува со проблеми во вториот дел, тренерот веднаш го стави во игра најдобриот играч на баварците.

Германскиот репрезентативец се претвори во главна ѕвезда на Баерн и тоа го покажува со секој свој настап оваа сезона, па така беше и денеска.

Баерн поведе со голот на Упамекано во првиот дел, но истиот играч направи огромна грешка на стартот на вториот и му дозволи на Хонсак да израмни на 1:1.

Веднаш по израмнувачкиот гол, Компани го стави Мусиала во игра, а овој со првите допири со опката му одговори со експресен гол за 2:1.

До крајот на натпреварот, Горецка со доста среќа погоди за 3:1, Хајденхајм одново се врати преку Дорш, но Мусиала со својот втор гол ги постави конечните 4:2 во судиското продолжение.

Во терминот од 15:30 часот, победа оствари и шампионот Баер Леверкузен, кој денеска со 2:1 беше подобар од Ст. Паули. Вирц и Та донесоа рано водство за Леверкузен, поништен му беше гол на Телја за 3:0, па на крајот Ст. Паули постигна почесен гол за конечни 2:1 во финишот преку Гилавоги.