Мусиала со ремек-дело донесе победа за Баерн, Мијоши го шокираше Леверкузен (Видео)

Баерн Минхен се навикна да дава голем број голови од стартот на сезоната, но последните два меча ги добива со минимални триумфи со по еден постигнат погодок.

Неколку дена по минималната победа над Бенфика во Лигата на шампиони, Баерн попладнево одново доминираше во секој поглед на теренот, но како клучен се покажа моментот на инспирација кој го имаше Џамал Мусиала.

Талентираниот фудбалер режираше фудбалско ремек-дело и со мајсторски гол погоди за 0:1 на гостувањето кај Сент Паули, па иако тоа беше само 22-ра минута од натпреварот, до крајот не се менуваше резултатот.

Сент Паули не можеше да му наштети премногу на фаворитот и ниту еднаш не го тестираше Нојер, додека Баерн се задоволи со минималната победа и запиша три бода.

Овој триумф е уште подобар поради новиот кикс на шампионот Баер Леверкузен, кој попладнево не победи и на гостувањето кај Бохум. „Фармацевтите“ имаа предност од 0:1 со голот на Шик до самата завршница, но тогаш топката среќно стигна до Мијоши и овој погоди за 1:1 во 89-та минута.

Нов разочарувачки резултат денеска оствари и Борусија, која уште еднаш покажа дека игра катастрофално како гостин, губејќи кај Мајнц со резултат 3:1.

Голот на Мусиала погледнете го ТУКА

Голот на Мијоши погледнете го ТУКА