Мурињо за бомбастичното засилување на Галатасарај: Имам само еден проблем со него

Жозе Мурињо од оваа сезона има нов предизвик, ангажман и тоа во турскиот великан Фенербахче каде главна цел ќе му биде да го врати лигашкиот трофеј во клупските витрини.

Таа мисија нема да биде лесна, има доста квалитетни клубови во Турција, а еден дефинитивно се издвојува-тоа е актуелниот шампион Галасатарај.

Познато е ривалството меѓу двата тима, па секоја успех на сметка на другиот дефинитивно носи големо задоволство. Квалитетни играчи беа доведени од двата клуба, но дефинитивно најголемо име е Виктор Осимен кој пристигна во Галата од редовите на Наполи како позајмен играч.

Мурињо во блиското минато додека беше на кормилото на Рома знаеше да се закачи со Нигериецот, да даде по некоја изјава во негов стил за да сега одново им се спојат патиштата и одново Осимен да биде негов противник.

-Тој е неверојатен талент. Галатасарај обезбеди фантастичен играч. Никогаш не сум имал проблем со него лично, но има една работа кај него што ме нервира кога е во противничкиот тим. За време на една од нашите средби Рома-Наполи, одвоив време да разговарам со него. Му реков: „Ти и Салах моментално сте најдобрите африкански играчи, ги следите стапките на легендите како Дрогба, Ето и Веа.

-Ама не можете да продолжите да играте како што играте. Тој има тенденција лесно да паѓа и тука е мојот проблем, -вели Жозе за „ХТ Спор“.