Мурињо во негов стил: Ќе бидам во неволја ако…

Жозе Мурињо го доживеа првиот удар како тренер на Фенербахче и тоа во квалификациите за Лигата на шампионите.

Лил беше составот кој му пресуди на клубот од Истанбул и тоа со гол во второто судиско продолжение за конечни 1-1 во реваншот, односно 3-2 во битката на двете екипи.

Португалскиот стратег пред овој меч си побара, подготви алиби, а пак по истиот одново го впери прстот со судиите, ама со одбрани зборови од страв да не заработи казна.

Мурињо огорчен на шпанскиот судија по елиминацијата од ЛШ: Подобро да не кажам што мислам (Видео)

Тој посочи дека Фенербахче може да биде успешен во Лига Европа ако судиите си ја завршат работата притоа спомнувајќи ја Рома и финалето со Севилја во 2023 година.

-Едната екипа заслужи да победи, а другата отиде понатаму. Двапати ја погодивме рамката од голот и имавме многу шанси. Само судијата и ВАР знаат зошто го досудија тој пенал.

-Ако… не сакам да го кажам другото, претпочитам да останам на „ако“… но можеме да направиме одлична Лига Европа, ако, ако, ако…Можеме да направиме одлична Лига Европа со ако. Не можам да зборувам повеќе од ако. Ако не, јас сум во неволја.

-Ако сакате да дознаете повеќе за „ако“, ве поканувам да го гледате Рома-Севилаа во финалето на Лига Европа 2022-2023 година и ќе ги разберете тие „ако“, -рече Жозе на пресот по натпреварот.