Мурињо трогнат од навивачите на Рома: Имам видено многу во животот, но….. (Видео)

Жозе Мурињо се погрижи за специјална врска меѓу навивачите и играчите на Рома и оваа хемија прави тимот да има навистина посебни успеси во Европа, за што доказ е и вчерашниот натпервар на „Олимпико“.

„Волчицата“ ја освои Конференциската лига минатата сезона и со тоа си обезбеди учество во Лига Европа, а сега тимот на Мурињо е на чекор од финалето во ова натпреварување по вчерашната победа над Баер Леверкузен.

Рома победи со 1:0 и со предност ќе патува на реваншот во Германија, па иако Жозе на овој меч почна без повредените Дибала и Вајналдум, останатите добија доволно сила за надигрување благодарение на величествената атмосфера на „Олимпико“.

Сцените беа наверојатни и пред стартот на натпреварот и медиумите пренесоа како играчите биле пречекани пред стадионот, што според Мурињо бил дополнителен мотив да се даде максимумот.

– Видовте самите каква е конекцијата меѓу играчите и навивачите. Видовте што направија навивачите за нас пред мечот. Тоа погоди и трогна некој како мене, некој со толку искуство во фудбалот и човек што има видено многу работи, – изјави Мурињо.

😳🧨 Inside of the AS Roma bus which is arriving at the Stadio Olimpico for the Europa League semi-final vs Leverkusen! pic.twitter.com/dsdE2Xib8W

— EuroFoot (@eurofootcom) May 11, 2023